Últimas prazas dispoñibles na Escola Municipal de Música Moderna de Narón

A edil de Mocidade, Natalia Hermida, informou das últimas prazas dispoñibles na Escola Municipal de Música Moderna de Narón. Os rapaces e rapazas da localidade de entre 12 e 30 anos dispoñen aínda dalgunhas vacantes nas modalidades de: Guitarra (iniciación); Batería, Piano e Aulas de Ensaio. As clases impártense na Casa da Mocidade, na Gándara, e o prezo é de 8,15 euros ao mes.

Na modalidade de Guitarra hai doce prazas, que se dividirán en dous grupos para as xornadas dos mércores e venres de 17.00 a 18.00 e dos luns e xoves, tamén de 17.00 a 18.00 horas. Así mesmo, hai seis prazas para Batería, en horario de 18.00 a 19.00 os mércores e venres, e outras seis para Piano, de 19.00 a 20.00 os luns e mércores.

As Aulas de Ensaio da Casa da Mocidade poden solicitalas os grupos musicais que teñan alomenos un integrante de Narón. Estarán operativas de luns a sábado entre as 17.00 e as 21.30 horas, tal e como recordou a edil de Mocidade.

As inscricións deben formalizarse a través do Rexistro do Concello, cubrindo un formulario oficial que se pode descargar da páxina web: www.naron.es. As persoas interesadas en recibir máis información poden dirixirse ao Servizo Sociocomunitario Municipal (Oficina de Información Xuvenil); chamar ao número de teléfono 981 337 700 (ext.: 1103) ou escribir ao correo electrónico: omix@naron.es.