O Concello de Cabanas ofrecerá clases de pádel para nenos

O Concello de Cabanas, a través da concellería de Deportes, ofertará aos nenos do municipio clases de pádel durante os meses de xullo e agosto. As sesións, que se celebrarán na área recreativa e deportiva de A Veiga os sábados, e cunha duración dunha hora, están dirixidas a rapaces de catro anos en adiante.

Así, o Concello informa de que o prazo para anotarse nesta nova actividade está aberto dende ester venres 24 e que as persoas interesadas en formalizar a preinscrición poden facelo no Concello, acudindo á concellería de Deportes e Cultura; no teléfono 981 49 59 59 extensión 3, ou enviando un correo a cultura@cabanas.es.