O Teatro Amador levará a representación da obra «A creación» ao local social da Pombiña

O local da Sociedade Cultural Recreativa A Pombiña, de Pedroso, acollerá este domingo 29 unha nova representación do programa da VIII Mostra de Teatro Amador organizada polo Padroado da Cultura de Narón. A creación é o título da obra que se encargarán de representar nesta ocasión os integrantes do Obradoiro de Teatro de Piñeiros, baixo a dirección de Maite da Costa, autora tamén do texto. A representación comezará ás 19 horas e a entrada é de balde.

A última actuación contemplada nesta edición da Mostra de Teatro Amador en Pedroso convocouse para o vindeiro 5 de xuño. O grupo da Pombiña, baixo a dirección de Betty Couce, representará a peza Quen vai guerra?, dirixida a todos os públicos. Esta actuación porá fin á programación iniciada no local social de Pedroso o pasado 15 de maio e que permitirá desenvolver un total de catro representacións teatrais na citada parroquia naronesa.