Galicia Ártabra Digital Noticias de Ferrol y la comarca de Ferrolterra.
A conselleira de Infraestruturas e Vivenda, Ethel Vázquez, reuniuse hoxe con 17 representantes de concellos de Ferrolterra, Ortegal e A Mariña, aos que lle reiterou que o inicio das expropiacións dun novo treito da Vía de Altas Prestacións da Costa Norte e un orzamento de 60 millóns de euros para os vindeiros anos amosan a aposta ‘en serio’ da Xunta por esta infraestrutura viaria. Vázquez precisou que «mostra desa vontade é que o Goberno galego ten consignado para 2016 un orzamento de 6,6 millóns de euros para seguir avanzando nesta VAP».
A conselleira lembrou que o pasado xoves 21 o Diario Oficial de Galicia publicaba a licitación do contrato de asistencia técnica para realizar o proceso expropiatorio no treito San Sadurniño-Sanguiñeira. «Trátase dunha asistencia técnica que permitirá contar cunha relación completa e actualizada das parcelas a expropiar; preparar as actas previas á ocupación; e determinar as cantidades a aboar aos afectados», explocou.
Cómpre lembrar que nestes momentos está en plena execución o treito entre Celeiro e San Cibrao: os traballos desenvólvense a bo ritmo e as obras están executadas case ao 80%, o que permitirá que, antes de finais de ano, estea xa en servizo un novo treito da VAP da Costa Norte que incrementará a competitividade do porto de Viveiro e afastará o tráfico pesado do centro de Xove.
