Primeira xuntanza en Narón con entidades para coordinar o Encontro Interxeracional 2016

A concelleira de Promoción Social e Igualdade do Concello de Narón, Teresa Sabio, presidiu na mañá deste luns unha xuntanza con representantes de diversas entidades do municipio para coordinar o programa da quinta edición do Encontro Interxeracional que se celebrará o vindeiro 12 de xuño no paseo marítimo de Xuvia. A edil naronesa e persoal de dezasete asociacións acordaron adiantar este ano a data do evento para evitar que coincida con outras actividades a desenvolver na localidade.

Sabio recordou que o Encontro Interxeracional supón o remate das actividades do programa de Envellecemento Activo impulsado desde o Concello de Narón. Trátase dunha convocatoria aberta á participación tanto de entidades como de particulares e que se dirixe tanto os maiores que participan no citado programa como as súas familias.

Os asistentes á convocatoria desta mañá acordaron manter unha segunda xuntanza o vindeiro día 25 para perfilar o programa de actos a desenvolver ao longo da xornada, para a que cada asociación plantexará unha serie de actividades.