Galicia Ártabra Digital Noticias de Ferrol y la comarca de Ferrolterra.
A compañía Barabu Producciones representará este domingo, día 6, no Pazo da Cultura a obra Toy Story. Este musical infantil, de algo máis dunha hora de duración, está dirixido ao público familiar e infantil. A posta en escena comezará ás 18 horas e as persoas interesadas poden adquirir as súas entradas na venta anticipada, a un prezo de 12 euros, ou o propio día da actuación, a 15 euros.
A obra é unha adaptación renovada ao guión do filme de animación de Disney Pixar sobre un conxunto de xoguetes con vida. O protagonista deste espectáculo é Andy, un rapaz que tras rematar os seus estudos universitarios regresa á súa casa e abre unhas caixas que el mesmo embalara anos atrás cheas de xoguetes. Recorda os momentos vividos e, nunha aposta pola solidaridade, decide doalos aos nenos máis desfavorecidos. A concienciación cidadá sobre as desigualdades no mundo é un dos obxectivos deste musical, no que se incide no feito de que os xoguetes nunca morren e poden facer felices a moitos rapaces e rapazas.
