O BNG de Ferrol responde ás descalificacións de Yolanda Díaz

O Bloque Nacionalista Galego de Ferrol afirma que a «estratexia baseada na descalificación, a mentira e a carencia de argumentos que esta a desenvolver a cordinadora en Galiza de Izquierda Unida, Yolanda Díaz, non vai impedir que o Bloque Nacionalista Galego de Ferrol siga a desenvolver unha política baseada na coherencia e na defensa dos principios ideolóxicos cos que se presentou as eleccións municipais e que está a poñer en evidencia as contradiccións as dependencias de Madrid, e as similitudes co PP da organización política à que ela pertence e da que forma parte o Alcalde da nosa cidade».

Desta xeito, dende o BNG consideran que «é lexítimo que o goberno local de Ferrol continue a desenvolver unha prática política moi similar a do anterior goberno do Partido Popular. O que é incomprensíbel é que por parte deste goberno e de organizacións políticas como Izquierda Unida se pretenda silenciar, mediante a descalificación e inventando acusacións, à única organización política que esta a cuestionar as decisións que se toman por parte deste goberno municipal, incluido o caracter antidemocrático que supón non convocar as comisións ordinarias, entregar a documentación fora de prazo ou adoptar mediante decretos de alcaldía as decisións que é incapaz de consensuar nos debates co resto de organizacións políticas».