Iván Rivas promoverá un servizo de recollida de lixo que aposte pola compostaxe

Iván Rivas, candidato do BNG-Asembleas Abertas a alcaldía de Ferrol, participou esta tarde en sendos actos nos barrios de Santa Icia e Canido onde afirmou que promoverá «o desenvolvemento dun servizo de recollida de lixo, responsábel, tendente a redución do volume de lixo a tratar, encamiñandoo cara a compostaxe e que sexa capaz de xerar emprego na cidade».

«Desde o BNG aspiramos a rematar coa política de externalizacións de servizos que poderían ser perfectamente asumíbeis pola Administración Local e que ademais este tipo de contratos están a condicionar a política económica do concello e están pensados unicamente para beneficiar ás empresas concesionarias, en vez de estar pensandos nos veciños e veciñas da cidade e que, ao mesmo tempo, perxudican e promoven a destrucción de emprego nesta cidade ao basearse só en criterios economicistas», indicou o candidato nacionalista.

«Desde o BNG-Asembleas Abertas queremos implantar un modelo de recollida de lixo que aposte pola compostaxe como medida alternativa e que axude à redución dos custes económicos e medioambientais que supón o actual sistema de recollida e tratamento de lixo mediante a transferencia dos residuos á planta de Sogama. Canto máis lixo sexamos capaces de reciclar menos resíduos teremos que enviar à Sogama e se rducirá o custe económico que o Concello ten que pagar a Sogama e se reduciría o recibo que terian que pagar os veciños e veciñas de Ferrol», dixo Iván Rivas.

O BNG-Asembleas Abertas cre que non ten xustificación externalizar este tipo de servizos, «se temos en conta que os gastos fundamentais dos mesmos están vinculados ó personal, por iso consideramos que podería ser asumido tranquilamente pola Administración Local a prestación deste servizo, que ademais é de prestación obrigatoria polos concellos, co cal non ten sentido que se siga xestionando a través de empresas privadas» sigueu dicindo o candidato do BNG-Asambleas Abertas.

Asi mesmo, desde o BNG consideran importante pular pola compostaxe e a posta en marcha de medidas tendentes à elaboración de compost que podería ser utilizado, entre outras, nas iniciativas de agricultura ecolóxica ou hortos urbanos que se desenvolven na cidade.

APOSTA POLA RECUPERACIÓN DAS TRADICIÓNS CULTURAIS

En Canido, o candidato do BNG-Asembleas Abertas comprometeu o apoio decidido as iniciativas de impulso e recuperación das festas tradicionais, como é o caso dos maios, o samaín ou os magostos. Afirmou que desenvolverán unha política municipal que teña como un dos seus eixos básicos desenvolver con intensidade un plano destinado a coñecer, defender,protexer, valorar e gozar do noso patrimonio artístico, cultural e natural.

Asi mesmo, indicou que teñen previsto realizar un inventario de bens inmóbeis municipais, de propiedade doutras administracións e de propiedade privada  de valor histórico e arquitectónico, co compromiso de ubicar neles calquera nova necesidade de espazos para prestar servizos públicos municipais ou doutras administracións, coas rehabilitacións ou adaptacións que foren necesarias, antes de recorrer a novas construcións como a Casa do Patín,(na rua Atocha) en Canido, o chalet de Canido ou a Alfándega de Ferrol Vello.