Ferrol en común presenta as propostas en materia deportiva

As propostas de Ferrol en Común en materia deportiva pasan por crear unha ruta peatonal entre os faros do municipio respetuosa co entorno medioambiental e que den a coñecer o patrimonio paisaxístico do litoral ferrolán, con praias que son grandes xoias de enorme potencial e todavía descoñecidas para moitos, de Penencia a Valdoviño, como Ponzos e Campelo.

As nosas propostas deportivas foron desgranadas este martes, día 12, en rolda de prensa por Álvaro Montes e Saínza Ruiz. Pasan por devolver o deporte a rúa, especialmente nos meses de verán, como parte da programación das festas con campionatos deportivosna rúa, ademais de darlle pulo o deporte feminino, que está invisibilizado, e os minoritarios que non se potencian en absoluto, pasando por que a cidade non dispón dun espacio cuberto para os moitos afecionados o skate, por exemplo, nos días de frío  e choiva, que son moitos.

En troques de proxectar grandes complexos deportivos con obras faraónicas como a macropiscina pseudoolímpica que o Goberno do PP de José Manuel Rey Varela propuxo para o barrio do Bertón, coa fórmula da concesión a unha empresa privada , o que cómpre é, con urxencia, é apostar polos deportes de base e fomentar a vida saudable que, a fin de contas, redunda na saúde e na calidade de vida dos veciños, favorecendo a socialización, a inclusión e o dinamismo vital.

En Ferrol en Común coidan que o deporte é prevención e non unha forma de repartir cartos públicos entre entidades deportivas a discrección, senón unha ferramenta mais para facer cidade, empezando polo mantenemento das instalacións deportivas actuais, pavillón e piscina, que arrastran as súas eivas.

Consideran que non é de recibo que unha cidade que carece de parques públicos e que arrastra un enorme déficit en zonas verdes no centro mentres desaproveita as os extrarradio (Menáncaro, Covarrandeiras, o val de Esmelle, Leixa, Serantes e a fraga da Graña, por exemplo), destine un millón de euros a construcción dun ascensor panorámico entre os baixos da Costa de Mella e os xardíns de San Francisco.

Liñas básicas de actuación

Deporte base: Favorecer a posibilidade de que os cidadáns poidan acercarse e participar nas múltiples modalidades deportivas que se ofertan na cidade a través de políticas de promoción do deporte base e iniciación deportiva.

Deporte saúde: Elaborar un plan estratéxico dirixido á promoción e práctica de actividade física deportiva como mellora da saúde e calidade de vida, adecuando e controlando o uso das instalacións deportivas, adecuando a oferta ás necesidades e potenciando a construción e adecuación de espazos para o uso no tempo de ocio.

Deporte rendemento: Establecer accións encamiñadas a facilitar a participación de clubs da cidade en competicións deportivas de alto rendemento deportivo. Plans acordados de xeito individual con cada entidade para adecuarse ás súas necesidades.

Instalacións deportivas:

1. Plan de mantemento: Desenvolvemento dun plan de mantemento e arranxo das instalacións deportivas, como requisito imprescindible para a conservación das mesmas e poder alongar a súa vida útil e adecuando o seu uso aos obxectivos para os que foron deseñadas.

2.  Planificación de novas construcións: Realizar un plan de uso de novos espazos adecuando as posibles inversións ás necesidades reais da sociedade

*Estudar o actual regulamento de funcionamento do Patronato de Deportes, para a súa optimización e aprobación de posibles cambios, debido principalmente, á pouca representatividade do movemento deportivo, a pouca efectividade na aplicación de políticas deportivas e o clientelismo que hai actualmente