O BNG chama cínico a Rey Varela polo tema da taxa do saneamento

Iván Rivas, portavoz municipal do BNG, considera «que as declaracións do alcalde de Ferrol apelando a solidariedade para xustificar a taxa de saneamento son unha mostra evidente do cinísmo co que actua Rey Varela e o seu goberno xa que se por algo se caracteriza o convenio do que deriva a taxa de saneamento é precisamente pola insolidariedade do Estado para cos veciños e veciñas de Ferrol aos que os partidos estatais teñen obrigado a asumir os costes de construcción e xestión desta infraestrutura declarada de ineteres xeral desde 1997 e para a que a administración non só pon un só euro senon que recibe 700.000 euros pola xestión das obras e sen que esto supoña asumir ningunha responsabilidade dos fondos europeos que supoñen o 80% do financimaneto nin permitir que o concello adecue o trazado desta rede as necesidades específicas da cidade».

O portavoz nacionalista, asegurou que «a xestión que se está a facer sobre a rede de saneamento é un auténtico dislate» e acusa ao alcalde de enganar aos veciños e veciñas xa que «como se lembrará à Consellería de Medio Ambiente da Xunta de Galiza, en resposta parlamentar ao BNG en febreiro de 2014, recoñecia que a aportación económica que ten que facer o concello de Ferrol para sufragar esta infraestutura depende do propio Concello repercutila aos cidadáns no custo do servizo ou facelo a través da vía orzamentaria”.

O BNG lembra que da mesma maneira en que o concello de Naron aprobou unha modificación das tarifas, «cuestión que até o de agora non hai noticia da súa aplicación no concello de Ferrol, este é un exemplo da posibilidade de mudar as condicións dese convenio e que por tanto desde o BNG instamos e asumimos que o proximo goberno municipal asuma o compromiso de derogar ou suspender o actual convenio para poder acadar un saneamento económica e medioambientalmente sostíbel«.

Lembra que «somos os veciños e veciñas de Ferrol os que asumimos os derivados do convenio asinado co Ministerio de Fomento a través da empresa ACUAES para o financiamento das obras do saneamento do marxe dereito da ría de Ferrol, que nos vai hipotecar aos veciños e veciñas de Ferrol durante máis de 45 anos, mediante tarifas fixas para a execución da obra e tarifas variables para o seu mantemento que van chegar a triplicar o custe das tarifas actuais«.