Presentación do libro «Contra a morte das línguas» do naronés Miguel Moreira

Continuando coa programación de « Queremos Narón», desta vez é un rapaz naronés, Miguel Moreira, quen protagoniza a actividade fixada polos nacionalistas para este venres día 30.

A iniciativa da posta en valor do patrimonio da localidade, tanto material como humano, achega este venres á localidade a presentación dun libro « Contra a morte das línguas»,  da autoría de Miguel Moreira Barbeito, un rapaz naronés.

Será da man do propio autor que coñeceremos a obra publicada pola editorial Xerais, quen estará acompañado polo candidato do Bloque á Alcaldía de Narón, Pablo Villamar.

O acto comezará ás 19.30 h. e o escenario, a libraría DAY, no barrio da Gándara (na contorna do pavillón polideportivo).