Responsables comarcais do PSOE analizaron os orzamentos da Xunta

A coordinadora comarcal socialista, Victoria Gómez, e  a diputada autonómica, Beatriz Sestayo, reuniron na tarde deste luns, día 28, na Casa do Pobo de Ferrol a responsables de todas as agrupacións socialistas e alcaldes da comarca para analizar os orzamentos autonómicos e así preparar e trasladar a necesidades de emmendar o texto orzamentario a fin de dar unha alternativa rigurosa e solvente de crecemento socieconómico para Ferrolterra, analizando os presupostos de forma individualizada por concellos e tamén buscando as sinerxias do impulso de unha comarca fortemente castigada.

Deixadez profunda

Victoria Gómez cualificou estes orzamentos para o 2014 para a comarca de Ferrolterra como o resultado dunha “deixadez profunda por parte do Goberno da Xunta de Galicia cara a nosa comarca, xa que outro ano máis non hai investimento ningún no sector naval, que é o motor fundamental da comarca”. “Deixan os sectores produtivos máis necesarios para a comarca, pero curiosamente invisten no proyecto dun novo hospital para nada máis e nada menos que o ano 2050 sen contar con valoracións dos técnicos do Sergas e cando aínda non teñen rematado o plan director das instalacións actuais, posto que restan por realizar a fase 3 e a 4 de dito plan, no que se recolle a reforma da hospitalización da ala este, entre outras melloras, e quizais deberían centrarse no remate do Plan director ao igual que nos doentes crónicos , encamados e dos que necesitan axuda a domicilio antes que presentar un proxecto para un hospital novo ”, asegurou a coordinadora comarcal socialista.

Para Gómez, “esta comarca está a sufrir un dos maiores ataques por parte dos gobernos do PP; recordemos que a taxa de paro ronda o 30% e non hai trazas de que esto vaia mellorar nin a curto nin a longo” prazo», ao tempo que lembrou que Feijoo “vendeu un programa electoral baseado en mentiras, xa que él mismo avalou a construción duns floteis en Navantia, e o único certo a día de hoxe é que xa se fala máis dun ERE no estaleiro ferrolán que de carga de traballo”.

“Dende o PsdeG de Ferrolterra seguiremos loitando e traballando para devolver a calidade de vida que se merecen os nosos veciños e darlle entre todos unha saida a esta comarca.»

Na reunión, concretáronse as emendas relativas aos diferentes municipios, que recolleu a deputada local Beatriz Sestayo e que agora trasladará ao Parlamento con partidas que agarda que sexan acepadas polo goberno da Xunta.