A Xunta concede a Neda un curso de formación para desempregados

A Concellería de Traballo que dirixe José Manuel Gradaílle recibiu esta semana a notificación da Xunta de Galicia da aprobación dunha subvención de 40.500 euros para a celebración dun curso de formación dirixido a persoas en situación de desemprego. Trátase da acción Programador de aplicacións orientadas a obxectos, centrada no deseño e programación informática. Consta de 268 horas de duración e impartiráse nas instalacións do Centro Cívico e Social Municipal, sito na Avenida Xeneral Morgade. As plazas ofertadas serán 15 e, en breve, arrancará o proceso de selección. Neste caso, é o Inem quen envía os currículums dos aspirantes ao Concello e, de entre estes e tras unha entrevista persoal, saen os futuros alumnos.

Para o citado curso, esíxense uns requisitos a nivel de formación previa como ter cursado un ciclo de FP II, preferentemente na rama de informática; estudos de BUP ou Bachiller con coñecementos de programación. Nesta liña, e amáis do contido específico de cada actividade, a acción incluirá a impartición de dous módulos transversais: “Inserción laboral, sensibilización ambiental e igualdade de xénero” e “Igualdade de oportunidades entre mulleres e homes e correspon-sabilidade familiar e doméstica”. Segundo o calendario previsto, o curso dará co-mezo ao longo do mes de xullo.