Galicia Ártabra Noticias de Ferrol y la comarca de Ferrolterra.
O Concello activa o reparto de convites na biblioteca municipal.
A última adaptación teatral de Os dous de sempre, única obra narrativa escrita por Castelao, a cargo do dúo cómico Mofa & Befa, chega este venres á Casa da Cultura de Neda. A proposta, incluída no programa municipal “Tempo para o teatro” será gratuíta con invitación.
O Concello comeza este martes na biblioteca municipal de Neda o reparto de convites (máximo dous por persoa) para asistir á función, que, tal e como está previsto, arrincará ás 20:30 horas.
Con Os dous de sempre, Producións Teatrais Excéntricas volve apostar por adaptar para o teatro grandes títulos da literatura galega. Nesta ocasión, Mofa & Befa, formado por Evaristo Calvo e Víctor Mosqueira, encárganse de darlles vida a Pedriño e Rañolas, Amigos inseparables, son ao tempo antagónicos: un soñador idealista fronte a un materialista conformista.
Completa o elenco interpretativo do espectáculo, dirixido por Quico Cadaval, Josito Porto. A obra, dirixida chega a vila grazas ao ciclo Outono das artes da Deputación da Coruña.
