Galicia Ártabra Noticias de Ferrol y la comarca de Ferrolterra.
O evento estivo organizado pola Gandaría Sillobre e a Sociedade Cultural, Recreativa e Deportiva Agarimo.
Esta pasada fin de semana a parroquia de Sillobre (Fene) acolleu a segunda edición da súa Feira do Queixo. Un total de 11 firmas do sector lácteo déronse cita no adro da igrexa de Santa Mariña ata as 18:30 horas, nun espazo que tamén incluiu mostras de cestería, coiro e artesanía.
A oferta gastronómica incluíu as catro D.O.P. galegas, opcións ecolóxicas, queixos foráneos, mel, produtos variados de alimentación, pan e o tradicional polbo.
O apartado culinario complementouse coa demostración en vivo de José Loureiro, profesor da Escola de Cociña Icook de Fene, quen elaborou unhas propostas exclusivas tras o éxito obtido na edición anterior co seu rissoto de cogomelos e os ñoquis recheos de queixo local.
