A AECC presenta a II edición dos Paseos Culturais por Ferrolterra

Trátase dunha actividade gratuíta, dirixida a pacientes e familiares, na que participarán un centenar de persoas, que desfrutarán da natureza, patrimonio cultural e convivencia. A actividade desenvolverase os sábados 23 e 30 de maio, e o sábado 6 de xuño polos municipios costeiros de Mugardos, Covas (Ferrol) e Valdoviño, en colaboración coa Policía Local e Protección Civil de cada localidade.

A sede da Asociación Española Contra o Cancro en Ferrol acolleu a presentación da II Edición dos Paseos Culturais por Ferrolterra. A presidenta da Xunta Local, Isabel Estevan, e a vicepresidenta, Mabel Sanesteban, explicaron os detalles desta segunda edición dunha iniciativa que comeza este sábado e está pensada para un centenar de pacientes oncolóxicos e familiares. As prazas xa están cubertas, aínda que existe a posibilidade de apuntarse á lista de espera.

Durante a presentación tamén tivo lugar a inauguración oficial do novo Espazo Activo Contra o Cancro da entidade, a sala multiusos destinada á atención e desenvolvemento de actividades para pacientes e familiares. Este espazo foi patrocinado pola Autoridade Portuaria de Ferrol- San Cibrao. O acto incluíu o descubrimento da placa situada na entrada desta sala, no que participou Lorena Pisani, representante da Autoridade Portuaria de Ferrol- San Cibrao.

Rutas por Ferrolterra

Os participantes dos Paseos Culturais desfrutarán de tres rutas pola comarca, nas que poderán gozar da natureza, do patrimonio cultural, da gastronomía, da música e doutras sorpresas aínda por desvelar. O transporte e as comidas están incluídas en cada unha destas etapas, para cuxa Asociación Española Contra el Cáncer Calle Real, 1-1º 15003 A Coruña. 900 100 036. asociacioncontraelcancer.esinscrición precísase realizar un depósito de 15€ por etapa (reembolsables ao finalizar o programa).

O primeiro paseo cultural comeza este sábado 23 de maio ás 8.45 horas no Porto de Ferrol, onde terá lugar a inauguración oficial.

Posteriormente os participantes trasladaranse en autobús ata Mugardos para visitar o Museo do Caldoval e coñecer a historia deste centro de interpretación dun xacemento romano atopado en Mugardos. A continuación, iniciarán a ruta que os levará ata o Mosteiro de Santa Catalina e desde alí a Montefaro. Posteriormente, descenderán ata o Casino Mugardés onde se celebrará o xantar. O camiño de regreso a Ferrol nesta ocasión será na lancha de Mugardos.

A segunda etapa, prevista para o sábado 30 de maio, se realizará entorno a Covas (Ferrol), visitando cun guía o Faro do Cabo Prior, e parando despois nun restaurante da zona para a comida.

Por último, os Paseos Culturais rematarán o sábado 6 de xuño cun percorrido polo municipio de Valdoviño no que os participantes gozarán da paisaxe da lagoa de Valdoviño, a Praia Pequena, o Miradoiro de Paraño, e realizarán unha ruta que os levará ata as praias da Rosela e de Prados, para finalizar cunha comida en Pantín.

Esta iniciativa é posible grazas ao patrocinio da Autoridade Portuaria de Ferrol-San Cibrao. Tamén se conta co apoio da Policía Local e de Protección Civil dos tres municipios de Ferrol, Mugardos e Valdoviño, nos que se desenvolverán os paseos.