Cortado o acceso en Valdoviño do camiño de servidume entre a praia dos Curas e O Paraño

Despois de constatar un desprendemento de terras na zona, o Concello de Valdoviño precintaba na mañá deste mércores 18 o acceso ao camiño de servidume entre a praia dos Curas e O Paraño, no coñecido como lugar da Mula.

A Policía Local desprazábase ata este vello camiño de pescadores tras recibir o aviso dun vixiante da Demarcación de Costas do Estado alertando dos desprendementos. Procedía entón a restrinxir o paso e advertir do perigo.