A campaña «Este verán, antes de viaxar, doa sangue» continúa en Valdoviño

A campaña «Este verán, antes de viaxar, doa sangue» continúa este venres en Valdoviño, e tras o seu paso pola casa do Concello no día de onte, a unidade móbil da Axencia de doazón de órganos e sangue desprazarase esta tarde á Cooperativa de Meirás.

Permanecerá no estacionamento de 16 a 21 horas. A iniciativa, coa que colabora o Concello, busca concienciar da importancia de manter na época estival as reservas dos hospitais para poder facer fronte ás 2.800 urxencias, 800 intervencións quirúrxicas e posibles transplantes de órganos e atención en hospitais que se rexistran cada xornada.