Galicia Ártabra Digital Noticias de Ferrol y la comarca de Ferrolterra.
Ambas institucións formalizaron un convenio de cooperación para renovar e mellorar a accesibilidade do centro cun total de e 306.713,10 €. A Deputación da Coruña aportará 245.370€, o 80% da obra, e o Concello a cantidade restante.
O Concello de Pontedeume e a Deputación da Coruña cofinanciarán as obras de reforma e mellora da accesibilidade do Centro Social de Vizús, na parroquia de Centroña.
A execución dos traballos terá un custo total de 306.713,10 €, dos que 245.370€ serán aportados pola Deputación a través dunha subvención nominativa. Isto implica que a institución provincial asumirá o 80% do custo da obra e o Concello o 20% restante.
O alcalde de Pontedeume, Bernardo Fernández Piñeiro, destaca que o Centro Social de Vizús «cumpre un papel fundamental para a venciñanza da parroquia, impulsando a súa participación na vida do Concello a través de diferentes actividades».
«Dende o peche a principios da década dos 2000 da antiga escola unitaria da de Centroña, o local social foi empregado para cursos e palestras sobre cociña, micoloxía, pintura, bordado, idiomas ou historia local», destaca o rexedor.
«Este uso continuado, tendo en conta que falamos dunha construción dos anos 60, fixo que o edificio presente na actualidade un gran número de deficiencias e danos, que dada a relevancia dalgún deles, deben ser reparados canto antes», engade.
Fernández Piñeiro quixo agradecer «o apoio da Deputación a esta demanda clave da veciñanza, que demostra unha vez máis o seu compromiso con Pontedeume».
