Galicia Ártabra Digital Noticias de Ferrol y la comarca de Ferrolterra.
O proxecto estará aberto a ofertas no perfil de contratación ata o vindeiro 21 de agosto.
O Concello de Cerdido destinará un total de 59.991, 36 euros a un ambicioso proxecto de mellora no pavillón municipal coa finalidade de mellorar a eficiencia enerxética nesta infraestrutura. O proxecto está actualmente na plataforma de contratación, aberto a ofertas ata o 21 de agosto.
As actuacións previstas, que se executarán grazas a unha subvención do Fondo de Cooperación Local da Consellería de Presidencia, Xustiza e Deportes,responden ás deficiencias detectadas na envolvente do edificio na produción de auga quente sanitaria e nas instalacións de iluminación entre elas destacan a instalación dun sistema de produción de auga quente mediante bomba de calor de aerotermia substituíndo o actual sistema de gas por unha solución máis sostible e eficiente.
Tamén se abarcará a substitución das carpinterías existentes por elementos máis eficientes incluíndo portas cortafogos con illamento de alta densidade e porta seccional de garaxe de panel sándwich illante de aluminio as obras de adaptación e albanelaría para axustar os ocos ás novas portas con traballos en ladrillo cerámico enfoscados e pintura a mellora da drenaxe da fachada sur para evitar filtracións e reforzar a protección térmica do edificio.
Outro dos eixos da actuación será a renovación da iluminación por sistemas máis eficientes substituíndo luminarias antigas e defectuosas por tecnoloxía adaptada ás necesidades do recinto.
O alcalde de Cerdido, Alberto Rey, destacou que estas obras “supoñen un paso máis no compromiso do goberno local coa mellora da eficiencia enerxética e a comodidade das instalacións deportivas municipais, beneficiando tanto aos usuarios habituais como aos eventos que sedesenvolven no recinto”.
