O castelo de Moeche acolle a representación “Castelao, un corazón á intemperie”

Ano Castelao!  “Castelao, un corazón á intemperie” representarase no castelo de Moeche para un público familiar. É unha das actividades que a área de Lingua da Deputación da Coruña lle ofrece ao Concello de Moeche. O Concello  homenaxea  a Alfonso Daniel Rodríguez Castelao autor dunha polifacética obra representativa de Galicia, sumándose deste xeito aos múltiples eventos e actividades que percorren os concellos galegos ao longo do Ano Castelao.

Destacar asimesmo que o pleno aprobou  a proposta da Alcaldía e a Biblioteca municipal pasará a chamarse Biblioteca Alfonso Daniel Rodríguez Castelao  ademais de completar nos seus fondos o total da obra de Castelao.