Galicia Ártabra Noticias de Ferrol y la comarca de Ferrolterra.
Equiocio Ferrol 2025 estrea por fin o seu cartel oficial. A pintora ferrolá Maribel Garrote é a autora da obra que a organización utilizará para a promoción do certame hípico e de lecer familiar, que se desenvolverá en Covas do 31 de xullo ao 3 de agosto. “A galope” recrea unha estampa de equinos en liberdade.
A pintora, que vén participando no evento como integrante da Coral Polifónica ferrolana del Casino Tenis Club, toma a testemuña de Eduardo Hermida e de Carla Villaamil, que asinaban os carteis das anteriores edicións. Desta forma, o certame dá continuidade á súa aposta por reivindicar o traballo dos artistas da cidade.
Apaixoada dende sempre ás artes plásticas, Garrote foi alumna de dous dos grandes expoñentes da pintura galega: Segura Torrella, e posteriormente, González Collado. Esta prolífica artista, con exposicións en distintos puntos do país e mesmo fóra, pon o foco na obra “A galope” nos equinos, un animal que sempre lle atraeu, a pesar da dificultade de plasmar o seu movemento, a súa pelaxe… Un animal que é o auténtico protagonista de Equiocio Ferrol.
Lonxe de estampas bucólicas e costumistas, o obra de Garrote mostra a unha manada de cabalos que marcha cara ao espectador, transmitindo a idea de forza que acompaña a este animal e, por riba de todo, a sensación de liberdade.
Equiocio Ferrol presenta o seu cartel oficial nas portas da que será a súa edición número 34, na que volverá contar como principais patrocinadores coa Xunta de Galicia, Concello de Ferrol, Turismo de Galicia, Deputación da Coruña, Gadis e Estrella Galicia.
