O canteirán ferrolán Ariel Soto Meizoso faise co campionato galego de tríatlon de categoría cadete

 

A base do Triatlón Ferrol subiu ao máis alto do podio coa actuación do cadete Ariel Soto Meizoso no campionato galego de tríatlon celebrado esta fin de semana en Ponteares. O canteirán ferrolán gañou con máis dun minuto de vantaxe sobre os seus perseguidores grazas a un notable segmento ciclista.

 

Mentres, o tamén cadete Adrián Canosa e a xuvenil Ariadna Soto Meizoso foron oitavos no campionato autonómico.

 

Por outra banda, nas probas do circuíto galego de categorías menores, a Escola Javi Gómez Noya fíxose con oito medallas. En categoría infantil, Miguel Benasach foi bronce. En alevín, o equipo ferrolán colgouse o ouro grazas á vitoria individual de Lucía Alvite, á prata de Carla Colmenero e ao quinto posto de Cecilia Benasach.

 

En benxamín, os equipos da Escola Javi Gómez Noya tanto feminino como masculino foron os mellores grazas ao bronce individual de Raúl Alvite, o cuarto posto de Adrián Alarcón e o oitavo de Román Vilaboy; e ao triunfo de María Benasach, á oitava posición de Candela Martínez-Raposo e á novena de Paula Rilo. 

 

Ademais, na proba benxamín que se dispitou no Tritea de Ponteareas, Mario Benasach foi o máis rápido, seguido do seu compañeiro Nicolás Puentes e Marina Martínez-Raposo foi terceira.