Máis de 1.500 alumnos de Ferrol e comarca déronse cita no auditorio na Festa do Correlingua

A concelleira de Educación e Universidade, de Ferrol, Patricia Cons, participou este martes na festa da Correlingua, que se celebrou no auditorio de Ferrol. Máis de 1.500 alumnos e alumnas de diferentes centros educativos de Ferrol, Narón e Fene deronse cita, un ano máis, nesta festa da lingua; “Ver esta participación tan activa, tanto de alumnado como de profesorado, éncheme de esperanza, xa que o futuro da nosa lingua está nas vosas mans”, manifestou.

Cons que afirmou que “o Correlingua é moito máis ca unha carreira ou unha xuntanza: é unha celebración da nosa lingua, da nosa identidade e da forza que temos cando camiñamos xuntos e xuntas polo galego”.

A responsable de Educación agradeceu o traballo do profesorado, dás equipas de normalización lingüística e estendeu o agradecemento aos alumnos por formar parte desta festa, “por facer do Correlingua algo tan especial e por lembrarnos que o galego é futuro, é forza e é festa”, concluíu. Ademais, animou ao alumnado a “seguir defendendo o galego con alegría, con creatividade e con orgullo”.