Sequeiro, acolle a XXII Mostra das Asociacións de Valdoviño

O encontro, tivo lugar este sábado promovido polas diferentes asociacións veciñais, culturais e deportivas da localidade, coa colaboración do Concello e o apoio das cooperativas de Lago, Meirás e Vilaboa, volveu mostrar o seu poder de convocatoria.

Tras a sesión vermú, o alcalde, Alberto González, inauguraba o certame, agradecendo a implicación e traballo das asociacións do municipio. E deseguido, comezaba ao xantar popular, no que participaron máis de 300 persoas.

Na sobremesa, a festa continúa coas actuacións dos grupos de música e baile tradicional das diferentes agrupacións da localidade, e co imprescindible sorteo de agasallos aportados polas propias asociacións. Ademais houbo espazo para a exposición de labores e manualidades realizadas nas clases impulsadas polas entidades. E como broche de ouro, a actuación de Los Nostálgicos.