Iván Puentes loitará por entrar no podio do campionato galego de dúatlon

O Triatlón Ferrol sumará sete duatletas no seu equipo masculino.

O ferrolán Iván Puentes tentará estar nos postos de podio no campionato galego de dúatlon que este sábado 3 se celebrará en Vimianzo.

O canteirán do Triatlón Ferrol terá rivais en fronte de nivel internacional como os lucenses Esteban Basanta e Jarno Pousada. Puentes chega despois de ser subcampión na proba de circuíto de Santiago e de gañar na de Muimenta.

O club departamental contará tamén con Pablo Pedrosa, Hugo Prida, Roberto Martínez, Juanchi González, Chespi Pena e Mario López. Ademais, na proba do circuíto superesprinte de categorías menores, a Escola Javi Gómez Noya estará representada polo cadete Adrián Canosa.

Terá lugar tamén un dúatlon popular no que Antonio Souto participará polo Triatlón Ferrol.