Galicia Ártabra Digital Noticias de Ferrol y la comarca de Ferrolterra.
A Asociación Cultural Apelón Educación convida a ver o documental «Mugardos, lugar dos … silencios» que presenta a súa autora Vera Varela, este venres 2 de maio ás 20.00 horas no Local Social de Maiores para a estrea.
«En Ferrolterra a sublevación militar de 1936 resolveuse en dez días. Non houbo guerra, pero a represión contra a población foi indiscriminada, brutal, alongouse décadas e afectou a todos os sectores sociais. O silencio cubriu as persecucións, os golpes, os asaltos ás casas, as torturas, os encarceramentos arbitrarios…»
O documental saca á luz esa Historia «que todo o mundo sabía, pero que non se contaba en alto, a historia das mulleres que resistiron e as familias que a sufriron, contada en primeira persoa por aquelas que a padeceron máis de perto». Loli Vázquez Anido e Pilar Iglesias abren a súa memoria para deixar testemuña e evitar que se esqueza o que durante tanto tempo se calou.
