As Somozas celebra a súa I Feira Multisectorial Agrícola

A praza do Concello das Somozas acolle a I Feira Multisectorial Agrícola, organizada polo Concello. O evento contará con carpa con pulpeira e churrasco, así como sorteos de produtos. Ademais, o domingo haberá sesión vermú con música en directo a cargo do grupo ‘Sintron ni Son’.

A praza do Concello das Somozas acolle a I Feira Multisectorial Agrícola, Alimentación e Artesanía, organizada polo Concello. Un evento que nace co obxectivo da dinamizar a actividade económica e social da zona, dando protagonismo aos sectores agrícola, alimentario, artesanal e de produtos de proximidade.

A cita, que terá lugar os días 3 e 4 de maio, celebrarase en horario de 10:00 a 19:00 horas e as persoas que acudan poderán visitar máis de 30 postos de exposición e venta de maquinaria agrícola, produtos de alimentación, degustación e cata, así como artesanía e produtos da terra e de proximidade.

O evento contará con carpa con pulpeira e churrasco, así como sorteos de produtos aportados polos expositores e participantes na feira. Ademais, o domingo haberá sesión vermú con música en directo a cargo do grupo ‘Sintron ni Son’.

“Estamos seguros de que esta primeira edición supón unha excelente oportunidade para achegar á veciñanza e persoas visitantes unha mostra representativa do tecido produtivo local e comarcal, nun ambiente festivo, familiar e participativo”, afirmou o alcalde, Juan Alonso Tembrás.