«Canta Música» leva en Fene a música tradicional galega ao público infantil

O salón de actos da Casa da Cultura de Fene acolle este xoves 19 de decembro, ás 18.30 horas, o espectáculo de Pablo Díaz e Olga Kirk “Canta música”. Trátase dunha función de bailes, xogos-baile, canto, e música, dirixida a nenos cunha idade comprendida entre os 4 e os 9 anos.

No decurso da mesma os asistentes participarán de xogos bailables tradicionais e de bailes e cancións dunha maneira activa, rematando o espectáculo cunha gran muiñeira conxunta. A entrada será libre e de balde até completar o aforo.

Organiza a concellería de Cultura de Fene coa colaboración da Rede Cultural da Deputación da Coruña.