Galicia Ártabra Digital Noticias de Ferrol y la comarca de Ferrolterra.
Será coa intención de detectar morcegos, avenoiteiras e demais fauna nocturna, así como percibir e espertar sentidos xa esquecidos.
Nesta ocasión, a entidade naturalista brinda a posibilidade de participar nun paseo nocturno por Doniños previsto para a tarde-noite do sábado 9, no que percorrerán o paseo do areal preto do sistema dunar así como os terreos e piñeiral no antigo campo de tiro militar, para visitar finalmente a lagoa onde se atopa o observatorio de aves situado a carón dela no terreo doado pola oceanógrafa Ángeles Alvariño e o seu home.
Durante esta andaina, intentarán detectar morcegos, avenoiteiras e demais fauna nocturna, mentres espertan e perciben sensacións descoñecidas ou xa esquecidas cos sentidos do olfacto e oído.
Dende a SGHN indican que a actividade é de dificultade baixa-media, e recomendan levar un calzado cómodo tipo montaña, ou no seu lugar bota de auga, así como roupa acorde coa meteoroloxía prevista para esa xornada.
Para a inscrición na actividade, é preciso contactar coa delegación de Ferrol no correo electrónico ferrol@sghn.org e facilitar nome completo, DNI e un teléfono de contacto, para poder tramitar o correspondente seguro. A actividade será de 18:00 a 21:00 horas e terá un límite de prazas de 20 persoas.
Por esixencia deste, as persoas maiores de 65 anos deberán facilitar tamén a súa data completa de nacemento.
(localización en Google Maps: https://maps.app.goo.gl/9PESnHdGSgbZP64S6 ).
