Amplíase en Narón o prazo de inscrición no curso de manexo de móbiles intelixentes

O Concello de Narón ampliou ata o 28 de outubro o prazo de inscrición no curso de Manexo de móbiles intelixentes dirixido a persoas maiores de 60 anos e empadroadas na cidade. Así o avanzou a edil de Benestar Social, María Lorenzo, apuntando que xa se conformaron unha ducia de grupos na zona urbana e rural.

As inscricións son de balde e poden realizarse nos centros cívicos sociais e entidades veciñais da cidade, ata completar as doce prazas asignadas a cada centro. Para obter máis información ou inscribirse pódese chamar tamén ao número de teléfono 647 787 006, tal e como explicou a edil naronesa.

As sesións programáronse co fin de mellorar a inclusión dixital das persoas maiores, ensinándolles a sacar o mellor partido dos móbiles intelixentes. Para iso dividiuse o curso en dous módulos, un sobre introdución ao manexo de dispositivos móbiles e tablets, e outro sobre comunicación mediante dispositivos móbiles.

Funcionamento, configuración, menús, axenda, cámara, axustes, aplicacións navegación por internet e correo electrónico, whatshapp, Facebook e outras plataformas forman parte dos contidos a abordar nas 20 horas de duración do curso, que rematará o vindeiro mes de decembro.

As sesións programadas na Gándara terán lugar os luns e mércores de 16.00 a 18.00; en Virxe de Fátima os mércores e venres de 11.30 a 13.30; en Santa Icía os luns e mércores de 10.00 a 12.00; en Xuvia os martes e venres de 10.00 a 12.00; no Alto os luns e mércores de 9.15 a 11.15; no Couto os martes e xoves de 18.15 a 20.15; en San Xiao os martes e xoves de 11.30 a 13.30; en Pedroso os mércores e venres de 16.30 a 18.30; en Doso os mércores e xoves de 18.15 a 20.15; en Sedes os luns e martes de19.00 a 21.00; en Castro os luns e venres de 18.15 a 20.15 e no Val os martes e venres de 16.00 a 18.00 horas.

Estes son os grupos que, a día de hoxe, contan xa con algunhas persoas inscritas.

Lea también

Club Arco Narón inicia las clases al aire libre

Como viene siendo habitual, el mes de abril indica el comienzo de las clases de …