Galicia Ártabra Digital Noticias de Ferrol y la comarca de Ferrolterra.
O Concello das Pontes abre este luns 7 o prazo de inscrición no concurso de cestas da XXXIV Feira de Fungos e Cogomelos que se celebrará os días 2 e tres de novembro.
As inscricións poden realizarse no Departamento de Cultura, antes da feira, no telf. 981440344 ou no correo cultura@aspontes.org ata o 31 de outubro de outubro ás 12:00h (deberán ter confirmación do Departamento de Cultura da inscrición na feira), e o día 2 de novembro na Feira antes das 10:30h.
Para concursar deberán presentarse exemplares dun mínimo de 10 especies distintas de cogomelos silvestres.
As persoas concursantes deberán identificalos e poñer nome nos cogomelos que presenten. Non se empregarán especies protexidas.
As persoas concursantes deberán ter, cando menos, 18 anos que acreditarán presentando o DNI, aquelas da categoría xuvenil deberán ter entre 18 e 25 anos cumpridos o día do concurso (2 de novembro). Cada persoa só poderá participar cunha cesta.
A presentación a concurso será dende as 09.00h ata as 10.30h na carpa instalada na praza de Amércia, a partir desta hora, momento no que o xurado comezará a facer a valoración das cestas, non se admitirán máis participantes.
O xurado estará formado por persoas entendidas na materia que valorarán a clasificación, estado e variedade das especies presentadas. Ademais no premio especial atenderase á presentación e exemplares máis raros. Entre as persoas participantes repartiranse un 1o premio de 400 euros, un 2º premio de 200 euros, 3º premio de 150 euros, 4º premio de 100 euros e un 5º premio de 75 euros.
Ademais haberá un premio especial xuvenil valorado en 75 euros e un premio especial de 400 euros.
