O Club de Prensa de Ferrol convoca a 33 edición do certame Galicia en Foco

Nesta 33 edición do certame premiarase por primeira vez  a «Foto do ano» de Galicia en foco e a «foto-reportaxe do ano» de Galicia en Foco correspondente a 2023 entre aquelas imaxes que foran publicadas nos medios de comunicación ao longo do ano 2023.

Coas fotos e foto-reportaxes seleccionadas montarase unha exposición que terá carácter itinerante por diversas cidades e vilas de Galicia e elaborarase un catálogo para dar a coñecer e difundir a obra seleccionada entre as fotos presentadas.

Poderán concorrer os foto-xornalistas cun traballo de tema galego ou relacionado con Galicia. As fotografías deberán estar publicadas en medios de comunicación (papel ou dixital) de cabeceiras recoñecidas entre o 01/01/2023 e o 31/12/2023.

Créanse dous apartados de participación (Foto do Ano de Galicia en Foco, dotado con 750,00 euros e Foto-reportaxe do Ano de Galicia en Foco, dotado tamén con 750,00 euros), no que cada fotoxornalista poderá concorrer so a un.

Cada fotografía enviarase coa súa ficha individual debidamente cuberta que se poderá descargar no enlace da web do Club de Prensa de Ferrol, onde figuran as Bases que rexen o presente certame: http://clubdeprensadeferrol.com/galicia-en-foco/

Galicia en foco 33 Edición triptico

O Club de Prensa de Ferrol poderá utilizar as obras para os fins previstos neste certame, así como nas súas publicacións e nunha exposición e un catálogo que reúna as obras seleccionadas entre as presentadas. Resérvase os dereitos de reprodución gráfica das obras premiadas, que poderán ser difundidas a través da súa páxina web e calquera outro medio publicado por esta institución, así como nas redes sociais.

O prazo de recepción remata o 17 de outubro de 2024 ás 14.00 horas.