Galicia Ártabra Digital Noticias de Ferrol y la comarca de Ferrolterra.
O Concello de Narón ven de condenar o ataque á sede do PSde G-PSOE de Narón, situada na rúa Cristobal Colón, 25, baixo (A Solaina). As oficinas deste partido amaneceron o mércores, coincidindo co día da Folga Xeral, coa luna do escaparate rota pola acción dun obxeto contundente, o que resulta a todas luces inaceptable e intolerable.
O Concello de Narón solidarízase cos representantes do PSdeG-PSOE e amosa a súa condena e repulsa a calqueira tipo de acto vandálico ou violento, como o que derivou na noite de onte neste suceso.
Trátase da segunda vez que a agrupación socialista naronesa sufre un ataque na súa sede, xa que durante outra folga xeral (estando no goberno o PSOE) tamén apareceu roto o mesmo cristal.
A portavoz do PSOE e Concelleira de goberno de Narón, Catalina García, xa informou telefónicamente á Policía Nacional dos feitos e desprazouse á Comisaría de Policía Nacional de Ferrol-Narón para efectuar a correspondente denuncia.
