Galicia Ártabra Digital Noticias de Ferrol y la comarca de Ferrolterra.
As usuarias do Taller de Coidados, posto en marcha no ano 2019 polo Concello das Pontes, recadaron esta fin de semana, durante a celebración da IX Cita coa Historia, 870 euros que irán destinados á asociación “Miradas que hablan” para a investigación da síndrome infantil MECP2 que se está a desenvolver no Hospital San Juan de Dios.
As usuarias deste programa, que ten como obxectivo contribuír ao empoderamento, mellora psicolóxica, recuperación emocional e participación das mulleres coidadoras de persoas dependentes no ámbito familiar non profesionais no municipio así como axudalas a descubrir, recuperar e potenciar as súas habilidades, destrezas e afeccións artísticas para, mellorar a calidade de vida das persoas participantes, participaron cun posto de venda de produtos téxtiles e de decoración elaborados por elas mesmas.
A recadación irá destinada á investigación da síndrome de duplicación de MECP2, unha enfermidade xenética minoritaria, da que existen aproximadamente 200 casos diagnosticados para a que non existe nin tratamento, nin cura. Coa investigación que se está levando a cabo o que se pretende é coñecer ben ao mecp2, a súa relación con outros xenes e así poder combater os síntomas da enfermidade.
