![](https://galiciaartabra.es/wp-content/uploads/2024/07/Delft_030.jpg)
Cunha ofrenda floral ás 17.00 horas deste sábado 13 de xullo ante o monolito do Mirador de Centroña, o Concello de Pontedeume e o Club de Prensa de Ferrol darán comezo ós actos de homenaxe ó filósofo do amor e das paixóns Carlos Gurméndez que tivo a Pontedeume como lugar de reflexións e achegamento ás actividades do Club de Prensa de Ferrol, entidade que na súa memoria ven de celebrar a 25ª edición do Curso de Pensamento e Comunicación “Carlos Gurméndez” a pasada semana no Campus de Ferrol da UDC, e que tivo en Pontedeume o seu inicio.
![](https://galiciaartabra.es/wp-content/uploads/2024/07/cartel-gurmendez-pontedeume-002.jpg)
Os actos presididos polo Alcalde de Pontedeume Bernardo Fernández e Alejandra Bellón, concelleira de Comercio, Educación e Cultura, continuarán na Casa da Cultura de Pontedeume, onde as 17,30 terá lugar a inauguración da Exposición de fotoxornalismo Galicia en Foco e posteriormente procederase á presentación do libro da autoría do xornalista e presidente de honra do Club de Prensa Germán Castro ”Carlos Gurméndez. Galicia e os espazos abertos de Ferrolterra” .
Os actos finalizarán coa lectura dramatizada polos actores Loreto de Castro e Manuel López da obra “Gurméndez nun café de Delft” da que é autor Eduardo Fra Molinero e Xosé María Dobarro, tradutor da mesma ao galego.
A obra, dirixida por Helga Méndez de Maquinarias Teatro, comezará ás 18,30 horas. Todos os actos son de entrada libre.