O Concello de Cabanas saca a licitación a mellora do camiño de As Modias por un valor total de 52.394,21€ (IVE engadido).
Esta actuación supón unha mellora importante no vial municipal dado o seu estado actual. A actuación contempla un novo aglomerado no camiño e tamén unha mellora da recollida de augas coa instalación de sumidoiros e a súa canalización.
Dase continuidade así á axenda de mantemento de camiños e viais municipais levada a cabo dende o Concello, co fin de seguir mellorando as infraestructuras e mellorar a seguridade no termo municipal.
Esta obra ven financiada a través da Deputación da Coruña co Plan de Obras e Servicios (POS+2023).
As empresas interesadas en licitar teñen de prazo ata o 17/07 ás 23.59h.
Están publicadas na plataforma PLACE e ao final deste artigo están os PDF para a súa descarga.