Galicia Ártabra Digital Noticias de Ferrol y la comarca de Ferrolterra.
O Concello de Fene dende a concellaría de Benestar social e igualdade, que dirixe a concelleira Sandra Permuy Meizoso, ven de desenvolver o taller “Defensa Persoal. Autoconfianza e empoderamento” durante 9 meses, dende outubro de 2023 ata xuño de 2024.
O taller se desenvolve mediante dúas sesións semanais, unha para mulleres adultas e outra para rapazas de entre 13 e 18 anos. O obxecto fundamental é formar as mulleres en defensa persoal e así mellorar a confianza en sí memas tendendo a o seu empoderamento. As mulleres aprenderon a defenderse a través de técnicas tales como Kicboxing e Taekwondo.
A participación das mulleres e rapazas nesta segunda edición foi moi boa, participando moy activamente en todas as actividades propostas e acudindo a súa cita semanal con moitas ganas e entusiasmo.
Este ano quixeron dar visibilidade a esta actividade e para clausurar editaron un video que vale máis que as palabras.
Adxúntase o video
