Comeza o Campamento de Verán do Campus Industrial de Ferrol

 

A vicerreitora do Campus de Ferrol e Responsabilidade Social, Ana Ares, e o director do Campus Industrial da Universidade da Coruña, Marcos Míguez, recibiron este luns aos 60 nenos de entre 6 e 16 anos que están a participar no Campamento Tecnolóxico de Verán Volemos! que acolle, por segundo ano consecutivo, o Campus Industrial de Ferrol. 

Coa axuda e baixo a supervisión do profesorado e alumnado da Escola Universitaria de Deseño Industrial (EUDI) e da Escola Politécnica de Enxeñaría de Ferrol (EPEF), a cativada mergullarase en diferentes aspectos da enxeñaría, aprendendo desde os conceptos básicos ata as teorías máis avanzadas en campos como os da impresión 3D, o modelado 3D ou a da programación. 

 

Os obradoiros desenvolveranse entre o 24 e o 28 de xuño de luns a venres, en horario de 09:00 a 14:00 horas.