Galicia Ártabra Noticias de Ferrol y la comarca de Ferrolterra.
A Asociación Cultural Vai Rañala Meu! e a A.VV: Rosa dos Ventos de Sedes organizan para o vindeiro venres 21 de xuño unha nova edición do “S. Xoán de Sedes” para celebrar un ano más esta actividade tan ligada á nosa tradición cultural.
A actividade que terá lugar no Centro Cívico Social de Sedes comezará ás 17:00 horas cun obradoiro de Xogos Populares para grandes e pequenos, a partir das 19:00h. contaremos coa actuación da Banda de Gaitas “Airiños de Fene” da nosa cultura.
Ás 20:00 horas continúa a música tradicional, desta volta da man dos “Cantos de Taberna de Sedes” e seguidamente ás 21:00 horas darase inicio á churrascada popular cun prezo de 10 € ración e durante a cal haberá sorteos.
Como broche final da festa contaremos coa actuación do grupo folk Encrucillada que a partir das 22:00 horas presentará o seu novo traballo De Volta. A celebración rematará co prendido da tradicional lumeirada de S. Xoán.
A actividade esta organizada pola Asociación Cultural Vai Rañala Meu! e pola A. VV. Rosa dos Ventos de Sedes é conta co colaboración da Área de Cultura da Deputación da Coruña.
