Cerdido mellora o camiño que une Piñeiro e Vila da Igrexa

O Concello de Cerdido vén de rematar as obras de mellora do camiño que une os lugares de Piñeiro e Vila da Igrexa. O orzamento da execución ascendeu ata os 58.184 euros, que forman parte do Plan de Obras e Servizos da Deputación da Coruña.

O proxecto contemplaba a actuación sobre a capa de rodaxe da vía, que conta cunhas dimensións de 850 metros de lonxitude e 5 metros de ancho. A superficie cubriuse con aglomerado en quente, previa reparación das fochancas e mordentes con grava e tratamento asfáltico. A obra completouse coa limpeza das gabias e salvagavias para o correcto drenaxe lonxitudinal e transversal.

A realización desta actuación perseguía a mellora dunha infraestrutura básica en favor dos veciños e veciñas do municipio de Cerdido, co obxectivo de facilitar o transporte e garantir a seguridade vial.

O alcalde, Alberto Rey, indicou que “con estas actuacións melloramos as infraestruturas básicas do noso Concello, mellorando a vida dos nosos veciños e veciñas”. O rexedor subliñou “a importancia de ter unhas boas conexións entre os distintos núcleos rurais nun concello como Cerdido para facilitar os desprazamentos do día a día”.

Lea también

Cerdido destina 45.466€ á renovación do parque infantil da área recreativa O Castro

Na actualidade, este recinto conta con diversos elementos nun estado deteriorado debido ao paso do …