Galicia Ártabra Digital Noticias de Ferrol y la comarca de Ferrolterra.
Ás portas do partido que enfrontará á Selección Galega masculina de fútbol contra Panamá, o CPI San Sadurniño acolle estes días a exposición «Galicia, un Pobo, unha Selección» promovida por Via Galega.
Son varios paneis que fan un percorrido pola historia do deporte galego, tratado en varios bloques temáticos: o dereito a competir; deporte base minoritario; xogos olímpicos; muller, deporte feminino e igualdade; triatlón e ironman: os homes e mulleres de ferro; a auga, fogar do deporte galego; fútbol: Galicia, potencia; equipos de primeiro nivel en todas as disciplinas e deportes tradicionais.
Vía Galega reivindica coa mostra, e con outras accións, o dereito de Galicia a estar representada, como tal, en todas as disciplinas deportivas, a conformar seleccións galegas en todos os deportes e a participar oficialmente en competicións estatais e internacionais. Mais, tamén, que os e as nosas deportistas poidan competir baixo a bandeira galega e exhibila cando soben ao podio.
Los de siempre adoctrinando en los colegios.