Galicia Ártabra Digital Noticias de Ferrol y la comarca de Ferrolterra.
Este ano o 17 de maio, Día das Letras Galegas, está dedicado a Luísa Villalta, escritora, filóloga e violinista galega cunha obra literaria que a converteu nunha das grandes figuras da literatura galega nos últimos anos do século XX.
Para a celebración desta data tan significativa, o Concello de Moeche ofrecerá co espectáculo “Que viva o galego!”, da man de Migallas Teatro.
Trátase dunha actividade interactiva na que se realizarán xogos, bailes e outras probas, co obxectivo de reunirmos pistas e irmos atopando, a través do xogo e o divertimento, vías para que o galego siga vivo como lingua da sociedade galega.
É un espectáculo de rúa dirixido a público familiar, que se verá mergullado nunha aventura na que deberá que superar varias probas de xeito cooperativo relacionadas coa lingua galega co fin de atopar a solución a un grave problema: o esmorecemento do galego.
As probas combinan o xogo físico e o xogo intelectual.
Terá lugar o venres 17 de maio, na Nave do Mercado, no recinto ferial de San Ramón, ás 12:00 horas, e conta coa colaboración da Rede Cultural da Deputación da Coruña.
