A Sociedade Cultural Areosa de Narón, celebra este domingo día 5 de maio a súa celebración das Letras Galegas

A Sociedade Cultural Areosa, adianta a este domingo día 5 de maio a súa celebración das Letras Galegas, este ano adicadas á escritora Luisa Villalta, que terá lugar a partir das 18:30 horas no Local Social de Piñeiros, Narón.

Comenzará o festival coa lectura de textos galegos da autora homenaxeada e doutros autores galegos para dar paso á actuación do Coro Alegro Intermezzo de Pontedeume e a Coral Areosa. Como é costume, rematará a celebración cunha chocolatada e “queimada” para brindar pola nosa lingua.