Fene conmemora o Día do Libro con maxia para soñar

Cun “espectáculo sorprendente, para gozar en familia, no que o ilusionista Mago Marco proporá unha viaxe de soño e ilusións envoltas nun misterio”, festexará a biblioteca de Fene o Día do Libro, este martes 23 de abril, ás 18 horas (entrada libre e de balde até completar o aforo).

Trátase dunha función de maxia clásica adaptada aos nosos tempos, con aparicións e desaparicións, levitacións imposibles e maxia interactiva na que o público será o grande protagonista. Neste espectáculo, o Mago Marco recolle a maxia en forma de luces que saca das orellas e narices do espectadores e gárdaas nun saco.

O saco, ao encherse co seu peso, abre e entón aparece unha magnífica constelación de estrelas. Uns seres marabillosos que nos visitan, pombas máxicas, e que poden saír dun simple pano ou dunha folla de xornal.

Mesmo, ás veces, aparecen no medio dunha bola de lume.

Ademais, creará unha fermosa ilusión cun globo e fará levitar e voar unha mesa. E convidará a alguén do público a transformarse en mago ou maga para deleitar ás persoas asistentes con números cómicos. E xa ao remate, non faltará unha enorme treboada de neve.

Data: Martes 23 de abril
Lugar: salón de actos da Casa da Cultura-Biblioteca Municipal de Fene
Hora: 18.00 horas
Función dirixida a todos os públicos.

Organiza: concellería de Cultura do Concello de Fene coa colaboración da Xunta de Galicia (Ler conta moito).

Lea también

Se conmemora en Ferrol el aniversario del fallecimiento de Benito Vicetto

El alcalde de Ferrol, José Manuel Rey Varela, presidió en la mañana de este martes, …