Fene ultima o II concurso de banda deseñada de humor Demo Pequeno

O Museo do Humor Xaquín Marín e Demo Editorial, empresa de referencia na edición de banda deseñada e novela gráfica en galego, volven unir as súas forzas para “achegar os escolares galegos ao mundo da banda deseñada, fomentando a súa creatividade dende unha perspectiva humorística”.

Baixo esta previsa, ámbalas dúas entidades convocan o II concurso de banda deseñada de humor Demo Pequeno

O certame vai dirixido a mozos galegos de 8 a 16 anos, que poderán participar nas seguintes categorías: Infantil, para rapazada de 8 a 11 anos, ou Xuvenil, para mozos e mozas de 12 a 16 anos. 

Premios Categoría Infantil (de 8 a 11 anos)

1º Premio, dotado con 100 € en metálico, un lote de libros de banda deseñada de Demo Editorial, material de debuxo por valor de 75€ e diploma.

2º Premio, dotado cun lote de libros de banda deseñada de Demo Editorial, material de debuxo por valor de 50€ e diploma.

Premios Categoría Xuvenil (de 12 a 16 anos)

1º Premio, dotado con 100 € en metálico, un lote de libros de banda deseñada de Demo Editorial, material de debuxo por valor de 100€ e diploma

2º Premio, dotado cun lote de libros de banda deseñada de Demo Editorial, material de debuxo por valor de 75 € e diploma.

O prazo de presentación de orixinais finalizará na medianoite do martes 30 de abril de 2024.

Bases no seguinte enlace II Concurso de Bd de Humor Demo Pequeno

 

Lea también

Entradas para os espectáculos fin de curso en Narón das Escolas Culturais

As entradas para poder ver os espectáculos de fin de curso das Escolas Culturais Municipais …