Galicia Ártabra Digital Noticias de Ferrol y la comarca de Ferrolterra.
A Confraría en colaboración co Grupo de Acción Local Pesqueiro GALP Golfo Ártabro Norte, organizará este sábado 2 de marzo na sala Curuxeiras (Porto de Ferrol) unha Xornada de Exaltación da Ameixa Babosa, que terá dúas partes diferenciadas.
De 11:00 a 12:30 horas: Degustación de receitas elaboradas con Ameixa Babosa da Ría de Ferrol. A entrada é libre ata completar o aforo, de 200 personas.
Os asistentes poderán disfrutar de 5 elaboracións diferentes: ameixa ao natural, ameixa á mariñeira, ameixa en salsa verde, ameixas con meloso de quinoa, e ameixas con trigueros e ameixas con trigueiros e crocante de xamón.
De 12:30 a 13:30 horas: Showcooking adicado á Ameixa Babosa da Ría de Ferrol, a cargo do chef Dani López (Grupo Nove). Este último evento será con invitación.
Ó mesmo tempo, na mañá do sábado poderá visitarse unha exposición de tapices feitos con redes recuperadas do mar, a cargo de Mar Fraga, fundadora de Enmalle Studio.
Esta artista, ubicada actualmente en Oleiros, recupera redes e cabos do mar (algunhas coa axuda inestimable dos pescadores da zona e outras directamente recollidas das rocas e areais da costa galega) para darlles unha segunda vida en forma de obra de arte.
Unha vez no estudio, as lava, seca e clasifica por materiais e cores, ata convertilas nun tapiz inspirado nunha praia galega. Das paredes da Sala Curuxeiras colgarán o sábado 5 tapices, o máis grande deles cunha medida de 240 x 216 cms.
