Galicia Ártabra Digital Noticias de Ferrol y la comarca de Ferrolterra.
Un total de dezanove atletas galegos viaxan esta fin de semana a Zaragoza a tomar parte no Campionato de España de marcha en ruta por seleccións.
O campionato que se disputará o domingo 25 a partir das nove horas, xuntará a un total de doce comunidades na procura dos postos de podio.
Selección galega Sub16 e Sub20
O equipo Sub16 estará liderado polos actuáis campións galegos Alba Morales e Tomás Bautista os cales intentarán, xunto ao resto de integrantes, mellorar os postos sétimo e quinto colleitados pola Selección na pasada edición de Cieza.
Xa na categoría Sub20, a internacional Aldara Meilán tomará parte como unha das principais favoritas ao título individual sobre a proba dos 10 Km. A lucense quen xa gañara o ano pasado, lidera un equipo cuxo obxectivo e reeditar o posto de podio logrado en Cieza. Pola súa banda, a selección masculina Sub20 terá no actual campión galego Pablo Sánchez ao mellor dos seus homes na procura de conducir ao combinado á loita polos postos importantes.
