Galicia Ártabra Digital Noticias de Ferrol y la comarca de Ferrolterra.
O Concello de Cedeira denuncia o procedemento que está a seguir a empresa responsable do despregamento da fibra óptica por diferentes núcleos rurais do municipio.
Segundo teñen denunciado xa varios veciños, o que están a facer é cortar a conexión de cobre que chega aos fogares, deixándoos sen telefonía fixa en zonas de escasa ou nula cobertura, cando todavía non teñen a fibra instalada.
Así, hai casas que levan máis de quince días sen teléfono, con persoas maiores que quedan aisladas e sen poder recibir, por exemplo, a chamada do seu médico.
Desde a Concellería de Medio Rural instouse a todos os veciños que estean nesta situación a comunicalo ao Concello, para desde alí facer as oportunas reclamacións á compañía.
