Galicia Ártabra Digital Noticias de Ferrol y la comarca de Ferrolterra.
O trineo de Papá Noel comezará o seu percorrido por Cedeira este sábado 23 ás 18.00h desde o Centro de Saúde, desde onde encabezará unha cabalgata co famoso Rudolf, varios elfos, o Grinch e outros personaxes navideños.
A comitiva, un ano máis organizada por Protección Civil, realizará un percorrido polas principais rúas do casco urbano de Cedeira, con animación musical e lanzando caramelos aos nenos que atopen ao seu paso. O paseo rematará na sala Áncora, na praza Roxa, onde Papá Noel recibirá ás crianzas que queiran entregarlle persoalmente as súas cartas.
Este venres 22, inaugurarase o parque de xogos que o Concello abre para as festas de Nadal no Polideportivo Municipal. De 16.30 a 20.30h, todos os días ata o 4 de xaneiro agás os festivos, haberá inchables e outras actividades a cuberto neste espazo.
O sábado 23, o mesmo día da cabalgata de Papá Noel, funcionará o parque de xogos tamén pola mañá, de 11.30 a 14.00h. Xa despois dos festivos, os xogos volverán a abrir o martes 26, sempre con entrada de balde.
